感情顧問聽床哥心事台｜JFFT｜初戀篇
感情顧問聽床哥心事台｜JFFT｜初戀篇
❣️初戀
呢個星期只有一個重點，就係初戀。
唔計果位叫雞師兄，
( jasonotot 師兄係大隻嘅，樣都唔差嘅，
但你 cls 都係真嘅 )
大部份人嘅初戀都係含。
有人被深深咁 hurt 咗，
或者堅持咗維持段關係好耐，
但最後都失敗告終。
👉🏻初戀就係唔同
初戀喺對愛情初步嘅體驗同埋認知。
好多嘢嘅第一次都係同初戀一起做嫁啦係咪，
自然就係唔同囉。
👉🏻初戀咁撚大影響
初戀教識咗你點樣表達感情、
處理衝突或者咩係信任，咩係比人背叛。
呢啲感受對於你未來點樣處理一段感情都係重要嘅，
奠定咗你戀愛觀上嘅基礎。
簡單嚟講，你宜家嘅身份同自我認知形成，
有唔少部份可能喺嚟自於初戀。
有啲手足拍好多拖嘅，
初戀比你嘅影響有機會喺會少啲嘅。
👉🏻初戀中帶比你挫折
對價值觀產生深刻影響❓
第一次戀愛，
亦都令你第一次面臨分離、妥協、
信任等等各種挑戰。
( 你可以話呢啲麻煩嘢啦 )
經歷絕對深深咁塑造咗你嘅價值觀。
例如初戀有機會影響到你之後點樣選擇伴侶。
初戀喺因為 long d 收皮嘅，
你自然會覺得 long d 喺唔 work，
之後揀另一半時都盡量避開。
又或者初戀教你原來做人喺可以好無情嘅，
咁你不自覺個人都會比起以前狠心咗。
👉🏻因為初戀，之後拍拖都係 kick kick 吓
無辦法可以再愛一個人❓
其實比唔比初戀影響之後拍拖，
都係自己揀。
有人喺會一沉不起，一路都好頹，
講緊係已經過咗十幾年之後，
身邊有朋友或者有啲客都係咁。
另外都會見有人越嚟越好，
喺初戀教訓中學到嘢喎，
仲可以應用去下一段感情。
自己想法為主啦，
最終都係你自己決定自己條路會點樣走落去。
身邊出現新對象，你有興趣嘅，
咪慢慢分享多啲私人嘢。
稍為有一個開放嘅心態，
都係 good 嘅。
每次嘅感情經歷其實都係獨特，
唔應該因為過去嘅失敗而放棄尋找幸福嘅可能性。
呢個絕對是合理地樂觀。
特別係對方唔知你以前發生過咩事，
佢係唔會明你有咩諗法，
咁你比個機會人哋了解下囉，
可以佢就係夾到你果個人。
以前發生嘅衰嘢唔一定會再發生，
你肯望多啲前面就可能慢慢忘記咗以往嘅不快。
特別如果你只係廿幾歲，
更加值得比多次機會自己啦。
