對住女仔成日好驚講錯嘢，點算好 | 個人成長與人際關係
對住女仔成日好驚講錯嘢，點算好 | 個人成長與人際關係
口快快唔小心講錯嘢係人都有，
擔心犯錯而失常或者唔自然，
係人哋眼中更加扣分，
特別喺第一次見網友或者參加 speed dating，
第一印象好重要，輕鬆更加緊要。
💡 所謂聚光燈效應
好多時大家都會放大左講錯一句嘢／做錯一件事，
柒左每個人都會，
只係自己成日放大咗件事嘅影響。
人唔可能對住一個陌生人或者朋友從來都講啱嘢，
而且好多時其實得你介意，
記住，呢個係真嘅。
大部份情況，女仔都係好 nice，
唔會放喺心上。
但我真係好驚講錯嘢攪到場面好老尷，
點算好？
都有兩個簡單方法，
你知而後做就 ok 嫁啦。
✅ 先聆聽
傾計並唔係講得越多嘢就越叻，
以為不斷地講嘢先有用嘅朋友要戒啦，
聆聽先係重要的社交技巧。
試吓專心，用心聽完，然後先作出回應。
既令到對方覺得被重視，
更可以令自己更了解新朋友。
✅ 正向思考 (嘗試啦)
就算發現柒咗，如果做到嘅就自嘲，
唔得嘅都盡快平復番自己心情，
千其唔好揦返拃沙，
想兜或者嘗試解釋太多。
如果對面個女仔係鐘意你，
唔會因為講錯少少嘢或者少柒督即刻唔鐘意你。
但睇到你好介意果樣就真係會扣分反感，
所以盡量保持正面態度。
即使犯了一個錯誤，
都唔好將自己睇得太悲觀，
大局為重。
