男朋友濕鳩追夢，又唔肯番正職，見佢有時仲拎啲錢去賭｜求屌醒
男朋友濕鳩追夢，又唔肯番正職，見佢有時仲拎啲錢去賭｜求屌醒
妹豬話唔好講佢男友個夢係咩，
( 只可以大約講喺演藝相關啦 )
佢就講出街食飯有時心軟，
所以幫男友比埋錢。
咁都唔緊要嘅，
但見佢有錢都拎咗去賭，
覺得唔應該。
✅先了解
想溝通，就唔好一嘢就屌落去先，
我哋可以強調穩定嘅重要性。
提提佢穩定嘅收入同工作其實有助於實現夢想，
同時提供到生活嘅基本保障。
強調並唔係叫佢放棄夢想，
而喺可以實現夢想時候同時確保生活穩定。
宜家食緊兩餸飯，但男友番個小兼職，
就可以變三餸，減輕大家負擔有益嘅。
✅後表達
除非賭襯都贏，
( 有啲人覺得自己係 son of god )
咁聽你講佢就應該不是。
表達時以正面為主，
即係就唔係將重點放係佢 “成日輸” “或者你無L用” 果個位，
而係話佢聽唔再賭錢好處，避免指責。
少少認真咁同佢講 “我相信你可以戒到賭，你有呢個能力”
大約呢個 tone 就可以。
大部份男仔受到正面鼓勵其實都會比較聽得入耳。
你係佢女朋友，唔係老母，
就唔好做老母果種 咦咿哦哦。
強調戒賭對於實現夢想其實有關係。
🤔追夢都要維持到生活先？
( 除非屋企好有 )
咁其實你都要知佢屋企有無暗中幫吓佢，
可能佢係唔需要番工嘅，
最擔心反而驚佢賭癮成性，
越賭越大，不能自拔，
最後攪到你可能。
小總結：
有嘢想表達，就要講出嚟，
有啲情況就係早講好過遲講。
你個 case 唔駛放係個心太多，
宜家唔講，之後如果有誤解，
反而會令大家關係變得緊張甚至衝突。
