男朋友暪住我玩交友 app 話係因為我一齊咗之後唔打扮 ｜求屌醒
男朋友暪住我玩交友 app 話係因為我一齊咗之後唔打扮 ｜求屌醒
我朋友喺個 app 到見到佢，同我講我先知。
佢話只係有同人傾計同見過一次面，
未屌 ( not yet )。
呢個星期搵過我幾次，但我無回佢。
應該原諒？定係分開算啦。
咁佢講個理由可能喺真啦，
但都唔構成佢可以 cow 其他女仔嘅理由，
所以罪名都係成立。
人做錯嘢好多時都會搵理由解釋，
都係防衛機制果啲原因。
目的只係想保護吓自己形象，
減少內在嘅不適感，
合理化一啲大家成日都見到嘅仆街行為。
佢做錯事就無得否認嫁啦，
關鍵只係你會否心軟原諒。
首先我哋可以
✅評估關係，對人又對事
即係佢本身係唔係一個咁樣嘅人，
如果你覺得佢唔係，聽佢解釋又有啲道理，
咁要諗嘅位就會再多啲啦。
（ 每個人都有一次被原諒機會，好似係 )
➡️評估信任基礎
信任係一段關係嘅基石。
事情已經發生咗，
的確損害咗你對佢嘅信任。
重建信任係一個漫長又需要雙方共同努力嘅過程。
問吓自己，能否相信男友有能力同誠意重建呢個信任基礎。
( 我可以比你嘅意見就係比你想像難 )
如果覺得唔得，長痛不如短痛。
➡️解決問題
睇吓男友是否有心願意誠實咁面對問題，
並有承諾？
( 睇吓佢呢幾日仲有無搵你 )
( 我意見就係你可以回佢先嘅，
睇吓佢點樣反應，有咩講，
點樣答你，始終係佢出軌在先，佢應該主動補救 )
➡️考慮未來
可以諗遠少少嘅。
自己判斷呢段關係有朝一日能否達到你所期望嘅樣子，
例如大家有無一啲目標或者價值觀一唔一致
都係視對方為結婚對象等等。
聽完男友答覆，
可以情緒比較穩定之後決定，
唔駛即係答佢。
