拍拖係咪一定要好有好感？ | LIHKG 討論區
睇吓拍拖前後會有嘅歷程先，
( 一般人都會經歷 )
👯♀️相識
👯♀️建立友誼 / 感情
👯♀️產生好感
以上兩種情況係可以前後互換。
👯♀️表白 / 確認關係
再次重伸一次，表白非必須啦，
無好感去表白 = 攪鳩大家
👯♀️拍拖
👯♀️關係發展 / 深化
開始探討未來，包括是否同居、結婚、建立家庭等。
💡有好感先有動力想去了解對方
無好感就一齊其實好難去到生活果一 part，
因為缺乏理解好難同對方思想有任何交流。
開心時都可能 okay，
只係一有問題出現，
( 例如錢銀嘢啦 )
多數都想酒仙酒仙，
無意解決。
如果真係太悶，
純粹搵個人陪，zip 下時間，
你知自己做緊咩，
你覺得可以就可以啦，無問題。
💡好感可以有兩種情境
一見鐘情果種好感；
同埋日久生情，經過相處而嚟果種好感
咁有研究講過一見鐘情嘅人離婚率係會低啲，
簡單諗一諗，都合理嘅。
有好感當然亦都唔代表一生一世，
有時候，即使兩個人都有好感，
亦未必可以同偕共老。
如果係想體驗戀愛，又唔係想拍散拖的話，
就不太建議連好感都無嘅情況之下，
夾硬去同果個人一齊。
