啲女話想認識「有趣嘅靈魂」 | 連登感情台 | 個人成長與人際關係
啲女話想認識「有趣嘅靈魂」 | 連登感情台 | 個人成長與人際關係
相信樓豬係喺交友 app 上面見到啦，
咁究竟乜嘢係有趣嘅靈魂呢？
咁我哋先望下咩喺無趣嘅靈魂。
可以直接去睇呢個 post，非常精準。
太多問句或者太少分享個人資料／背景等都會令人卻步。
如果語言間都已經比到人缺乏活力嘅感覺，危。
仲有講嘢可能過於嚴肅啦，
問咩答咩，有種去見工／番工對住老闆嘅感覺，都危。
有趣其中一個重點就係要令人覺得容易親近。
唔同年齡都可能有唔同意思
一個二十歲妹豬講呢嘢同一個四十歲嘅姐姐可以有唔同嘅意思：
👧🏻 妹豬
＇你法唔法國我成日諗野好怪?＇
有啲朋友有時會想表達自己同大眾之間喺有唔同嘅一面，
有少少反主流價值觀嘅傾向。
妹豬大多數嘅有趣都係靚仔之餘，又好笑，
又有少少浪漫，咁呢個靈魂就係有趣嘅。
👩🏻 姐姐
咁成熟嘅姐姐講呢句嘢，
佢可能喺真心想表達搵緊一個有內涵嘅人，類似 soulmate 。
可能會考慮情感上交流 > 外表上面嘅吸引
喺交件軟件上，
我哋一般會根據 Mate Value 伴侶價值 （外表／身高／肥瘦）
去尋找潛在價值。
如果你能夠表達到有趣一面，
當然能夠提昇你喺對方眼中的印象。
