女朋友太大洗,點攪好

June 27, 2017

 

客戶施先生投訴女朋友花錢多,希望找方法令女朋友不揮霍。

 

施先生:「佢一個星期番工有幾日都搭的士啊,賺埋都唔夠比啦!同親佢去食野點野,Menu都唔睇下幾錢,鍾意叫咩就叫咩,去茶樓邊有人叫頂點食啊你話!」

(我們先不理會施先生的presentation skill不好,引致大家都覺得他吝嗇。)

 

我問了施先生一句: 「佢本來就係搭的士多?」

 

「係呀,佢話就黎遲到唔通唔搭的士番工咩!咁樣點儲到錢呀,咁大個人!我邊負擔到佢咁多啊!」

 

施先生發出哀鳴。

 

「所以佢同你拍拖之後應該唔食平時食快既頂點?番工就快遲到,都唔搭的士?」我問他。

 

人家本來就花錢大,又不是跟了你才學會花錢。看到衣服難道不買?看到限量版粉底難道不買嗎?看到心愛的Valentino半價難道也不買?點菜不看價錢,做人本來就該這樣,點自己想吃的,而不是點因為價錢而想吃的。女孩子,月光就月光,又沒什麼不好意思。

 

「佢鍾意你就係鍾意你,一早知你經濟能力收入狀況,唔係咩?」月老喝著三合一咖啡。

 

「她無要你比,佢自己都唔介意,而且負擔到。如果你唔想分手,唔該從男人主義走出來。如果唔係次次消費過後,銀包輕左,心情差左,又自卑。呢類問題將會無限輪迴,你要自己搞清楚。打個比喻,如果有一日你見到佢老板或者同事用寶馬接佢,你……」我還沒有說完。

 

「我一定唔好受呀,知自己養佢唔起!唉」施生搶答。

 

「日後相處有問題,都係你自己男人心態作祟,一係你就即刻飛黃騰達,一係你就乖乖接受女朋友自己賺錢自己使,唔使你埋單。就算你樣樣照顧,千軍萬馬,銀包漲到四串厚,佢都會上寶馬。」

 

 

「下,咁即係無得救啦,佢貪錢呀?」施生不安。

 

「你連佢識朋友都要管?」我說。

 

然後我把施先生送出了辦公室。

 

對了,今日搭的士回家吧,別坐港鐵了。

 

以前月老跟好友K在中環,有個女的跟他旁邊女生咬耳朵說:「這個沒錢的,別跟他玩。」然後他的女生還笑著轉告了他。所以,此等麵包與愛情的問題,都是發生在你還沒完全佔據對方內心之前,或你被自卑充斥了內心之後。

 

相處不開心,不找 Alvin,到分手想復合時,找 Alvin,就已經不容易了。

 

 

想看其他愛情網誌可按此

有感情問題可按此

去看看約會活動,跟單身說拜拜

觀看約會電子卷,自用轉贈兩皆宜,為單身好友尋幸福

分享到 Facebook 吧
Please reload

第一時間
閱讀我的文章
Alvin Yip

星級之約有限公司創辦人,多次協助單身人士尋覓真愛,曾提出『黃金二分鐘』定律並於報刊刊登,蔚為一時佳話。曾接受《TVB》、《Viutv》、《東方新地》、《香港電台》、《香港人網》、《經濟一週》、《蘋果日報》、《太陽報》、《信報》、《明報》、《經濟日報》、《晴報》、《爽報》、《新假期》等多家媒體訪問報導;亦曾於大型商場擔任活動主持,舉行首個商場速配派對活動。

  • Black Facebook Icon
  • Black Instagram Icon
其他文章 :

蒼井優同佢好襯

June 6, 2019

配對公司是獵頭公司?

August 21, 2018

你破產啦?咁我走嚕

August 11, 2018

1/17
Please reload

星級之約香港有限公司

你的 Speed Dating 及 約會配對最佳夥伴

  • Black Facebook Icon
  • Black Instagram Icon
  • Black YouTube Icon

月老 Alvin 為你提供專業、全面、客觀、理性而邏輯的分析和意見,令你的感情路更稱心如意,幸福甜蜜

© 星級之約香港有限公司 版權所有