你破產啦？咁我走嚕

這次客戶問題非常清晰，女士們看到面色一沉，男士們看到立刻摸一摸心口。

如果有男士明白，那恭喜你。只少你曾經擁有過，今天才能夠叫做 I am so broke。

想想一開始是什麼原因走在一起

*全世界都係咁，唔好再剩係話香港

除非你是國民老公或國民老豆，否則家境一般的男仔都有些起跌。

當你順境時，如果你都不知為何異性緣特別好的話，可能係你跌左條波子車匙出黎啦。

H先生是自僱人士，女朋友是在網上認識。

『係呀，追佢果時又送野又比錢佢洗。』H先生說。

『咁即係你一開始果時係用錢追人嫁喎』我說。

『係呀，唔係咁點媾到佢！』H先生。

社會好和諧的，你看政府的廣告都說沒有贏在起跑線。

所以大家也希望共富豪也能共患難，但又有一句咩咩夫妻百事哀。

『呢排政府修左例，所以公司做唔住，生意唔好，股票又蝕左好多。』他再說

『多謝A股。』月老回。

如果一開始是因為錢而起在一起，當然也會因為錢而生問題。

不惜一切代價挽回

月老一開始問的時候，十個有十個都說可以。

然後又是沒有了然後，大家真不夠毅力。

分手是因為錢的話，這個時候聰明的女生通常會加一個比較長遠的目標，好讓大家一起下台。

『比三年時間你買白沙灣啦，如果得我地就一齊番！』拜金女一號。

『如果你買到樓，上左車，我可以原諒你。』拜金女二號。

也聽過有些說『我們各自看看沒有了對方，會不會更加開心，如果一個月後我有掛住你，咁就再考慮番一齊，好嗎？我先出去同FD飲酒了現在。』

當然，也有用安全感開大技的女生。

我問H先生如果有一日時來命也，經濟番生，女朋友立馬回來，你接受嗎？

慘了，我看到H先生在想。

定下止蝕位

這種情況，深陷愛情的男士們一般都不會放棄。

月老會幫他們立下幾個位置或時限，如果女朋友都毀掉而又不理會你感受的話，重新思考自己是否有這樣的能耐去挽回。

最後，女仔都係貪錢嗎

不少有興趣參加配對的男客人都問這問題，會問的通常都是不會問自己 why am I still broke 的一群。

有一位L先生令我有點印象。 (這裡的L表達的是英文姓氏，不是粗口，月老不會罵客人的，除非你鐘意)

『配對會寫低自己幾錢收入？可唔可以唔寫？』客人L 說。

『以前我地爸爸媽媽都唔會咁？點解依家啲女仔咁貪錢。。。』客人L說。

突然，我聽到旁邊的同事心中說了一句『你L知咩，L先生。』

真要回應這問題的話，月老只好斬釘截鐵的說一句，香港女生已經好好，不貪矣。

至於上進的男士們，我也希望你們有天都能吸引拜金女，要不要則自己再選擇。