靚女的日常與煩惱

咁我哋探討下靚女，大家覺得靚女無煩惱，人生贏家。查實佢哋同朋友住酒店房大解時，需要開水喉掩飾，呢啲就係佢地嘅煩惱。

首先，唔使解釋咩叫靚女，靚唔靚都係比較出嚟。有人覺得張秀文靚過迪麗熱巴，咁咪張秀文靚囉，佢贏囉。簡單啲講，你見到個異性，feel到自己handle唔嚟，咁佢對你嚟講就係靚。

So之係靚女拍唔到拖？咁稍微了解下靚女與日常，到底會遇到幾多真愛。

應付海量信息，唔應機比人鬧扮上菜！應左之後，開始收到自拍，繼而用各類緣份話題 approach。你好呀，哈姆太狼！

望分好多種，齋望其事無野，但唔好過嚟話我條裙好正。回頭率過高，造成極大困擾。你試諗如果你係屋企玩電腦，你伯母喪回頭望，實會抓狂啊你，何況係陌生人，甚至變態嘅陌生人。

身邊啲人，一日到黑都話：「你扮咩呀，咁靚女點會無人追，大把等追你嘅人排到龍和道啦，點可能單身啊！」

間唔中陪 friend join Speed Dating，對面個男人又話「你咁靚，使咩嚟呢到。」係啊係啊，咁靚最好放屋企擺啊。

叫朋友介紹 friend 嚟識，永遠畀人覺得玩野，死唔肯幫脫獨。

以上資料多謝美女朋友C小姐提供。

咁既然有咁多真愛，靚女究竟仲有咩煩惱？

跟異性接觸機會過多，感覺鈍了

「小時了了，大未必佳。」

啱，但大部份都佳。細細嗰靚女已經 lv99，就當拍拖次數不多，但曖昧的人數應該少唔過排名店開倉條人龍。要傾既話題，要玩既節目，高級既餐廳，皆因 all you can eat，太多有時係會畀唔到反應。

「妳一定無試過同人瞓係銀紙上面！」靚女C小姐聽到之後又靜咗畀唔到反應。

[if !supportLineBreakNewLine] [endif]

跟異性相處沒有懼怕感

沒有懼怕感就係沒有情緒。所以偶然遇到一個對自己無禮貌，粗魯嘅男仔，反而有點興趣。例如靚女能接受whatsapp 已讀不回嗎？得！但會嬲囉，心情有起伏囉，但呢啲對佢地嚟講得來不易。

難有下文

靚女會主動？你去逛 LV，啲嘢太貴唔買，有見過LV呢類名店職員會追出嚟話好啦，平啲啦畀你啦。

放唔低面子同包袱係其中一個問題。何況人人鍾意講女仔要矜持，主動追人會唔馨香。所以，做靚女邊度容易。偶爾怦然心動，但如果對方唔主動attack自己，無下文，就算㗎喇，就繼續單身㗎喇。

所以，人都喜歡對自己有反應的東西

回到 Speed Dating 或一般社交場合，當然大家都會對外表出眾嘅女生大感興趣，君子於是謙卑有禮；但反而處處強烈表達自身興趣與回應女生嘅一族，才是郭嘉，運用了真正嘅「內在」同戰術取勝。

一般男生都喜歡聊天，如果你毫無反應，又態度傲慢，呢啲男生就會卻步，轉移目標，總結人係需要有反應嘅物體。

有時，我哋都唔清楚自己想要一個如何嘅伴侶，而有啲人的確更加喜歡單身。（只限拍過拖果啲，未拍過個啲唔好係度舉手）

寧缺勿濫，對真正嘅靚女嚟講有另一番含義。