top of page

離咗婚一年復唔復合好 | 連登感情台 | 婚姻諮詢意見


離咗婚一年復唔復合好 | 連登感情台 | 婚姻諮詢意見

呢個局一定係又難又複雜,

因牽涉到你自己,你前妻,你現任啦同埋小朋友。

我哋先唔講你前妻是否真係能夠改過,

time will tell,或者呢一年佢有無嘢你係一見到佢嘅時候就發覺有改到?

有就有,無就無嫁啦。

樓豬唯一好嘅喺已清楚已經知道呢段感情上問題喺邊到。


小朋友

'放唔低兩個小朋友'

當然,考慮和前妻復合是否有助於孩子嘅成長同幸福,

呢個問題一定成日係樓豬腦海出現。

但如果僅僅只係覺得爸爸媽媽喺身邊有一定最好,

咁可能未夠全面。


事實上離左婚嘅家庭都可以喺育兒成長上面做得好,

可能你自己身邊都有唔少例子。

對於有細路仔嘅家庭,父母行為同態度一定影響到佢哋。

小朋友如果長大慢慢感受到父母勉強在一起,而不是出於真正嘅愛和關懷,

甚至認為自己喺呢個家庭問題所在,到時情況只會更差。


小朋友可能會喺呢種'勉強'嘅婚姻中學到錯誤價值觀。

例如,佢哋可能會認為愛情同婚姻只係基於責任同義務,而不是相愛同理解。


做人喺要考慮一吓自身

自己仲鐘唔鐘意先,對前妻仲有愛嗎,

前妻嘅好或者一啲美好嘅經歷有無喺呢一年入面成日出現喺你腦海。


如果你自己都知無咩或者真心覺得分開呢一年喺正面>負面,

咁你應該已知自己身心情緒係幾咁緊要。


無論你咩年紀或者有拯救世界嘅責任都好,身心平衡其實喺必須。

如果同伴侶相處成日覺得自己需求被忽略或者壓抑,

可能會導致壓力、焦慮、沮喪等問題。

呢啲情緒有機會就會投射番喺身邊人。


一段健康感情關絕對需要雙方都感到滿足同埋快樂。

忽視自己嘅需求(老一輩成日做)

可能會短暫維持到 harmony,但長遠嚟睇,

呢種關係喺好難持續。

而且見到你話'仲識咗唔介意我過去嘅女仔',

現任女朋友嘅感受都要考慮下喎。

自己是否開心/幸福,坦白講,樓豬你喺必須先考慮。


睇遠啲

當然唔係叫你睇 50年,

任何決策都唔應該基於短期嘅感受或者壓力。


你需要考慮未來幾年,

或者再長啲嘅時候點樣嘅決策先最符合自己,前妻同埋家人嘅利益。


喺樓豬處境中,即使重新一齊番可能會短暫滿足小朋友同埋一個家庭嘅一般需求,

但如果無辦法解決根本問題,

只會帶來更長遠嘅不穩定同痛苦,二次傷害一定嫁啦。


只要父母始終集中喺小朋友最佳利益上面去考慮,

即使已離婚嘅父母都可以共同努力確保喺單親家庭環境中得到適當護理同埋支援。

見到樓豬係實質經濟支援上面應該無咩問題,已經好好,祝你好運。

コメント


Alvin Yip

超過十年感情諮詢諮商經驗

以往多次協助單身人士尋覓真愛

現則為復合挽回婚姻狀況等

感情問題作諮詢

曾提出『黃金二分鐘』定律

蔚為一時佳話

曾接受《TVB》《Viutv》

《香港01》《香港電台》

等多家媒體訪問報導

亦舉行首個商場極速約會派對活動

一切愛情感情

婚姻疑問第三者婚外情出軌問題

歡迎預約諮詢

  • Instagram
replicate-prediction-xaopk3jbgknfhfl2dmn6z563je.png
bottom of page