感情顧問聽床哥心事台｜JFFT｜綠帽篇
感情顧問聽床哥心事台｜JFFT｜綠帽篇
第一樣嘢想講，
如果你正在喺出軌邊緣或者正遭受誘惑中嘅師兄師姐，
真係諗清楚，事後對你另一半嘅傷害可以非常之大。
亦都請你珍惜你身邊忠誠愛你嘅另一半多啲。
老友派咗好多頂綠帽師姐 - 鼠王月
有無諗過叫你個女仔 fd 同佢個男朋友分手好過啦，
既然佢都好明顯係唔鐘意阿男朋友，
不如叫佢女性自主少少，
好過話比個男仔聽佢個人已經好撚綠。
一來個男仔都未必信你講嘅嘢如果佢純到咁，
二來可能有損友誼。
( 唔知你介唔介意啦 )
最後，各位點樣派帽貪靚仔都好，
唔好比人呃錢，真係非常無益。
戴兩次綠帽師兄 - 牙Mike
分手分唔清之後同 ex 一齊番其實非常常見，
師兄覺得明明我係正室 (應該)，
最後自己卻成為了第三者，呢個思維衝擊可以喺幾大。
之後又喺街見到女朋友同另外一個男仔一齊，
講咗句分手啦八婆。
師兄覺得講呢句好撚型，
咁我唔知啦，
但就唔好同下一個女朋友講呢個故仔啦，
真心建議的，甚至唔好同其他女仔講呢個故事，扣好多分。
最後一個女仔好細粒同佢講話你成唔成熟係 0 關係嘅，
同埋師兄啲笑聲好魔性，
聽到有少少驚。
飛機豆師兄就祝你學業進步啦 - 牙聰
學霸師兄當你知道咩係綠帽，
先有討論空間，
宜家先專心讀書。
先派後戴綠帽師兄 - 牙仁
多謝師兄教咗大家扮訓覺呢招，
公道講喺 work 嘅，加埋飲咗啲酒，
就會去到不如做埋果一步。
做第三者派綠帽再被戴綠帽，
感覺好似有因果或者有報應咁樣。
其實就無咩嘅，
重點主要係個女仔就係一個咁樣嘅人，
long d 有時候因為孤獨感，只係一心想有人陪，
當佢有第二個而你又唔係佢身邊，
佢就唔要你嫁啦。
最後建議派帽者唔想有報應，
最佳處理方法就係唔好同果個人拍拖就 okay，
我只能夠講到呢到。
初戀師姐 - Bella（永遠支持你）
發現男朋友同女仔扑野，
仲要手機叮叮聲，已經喺一種 0尊嘅表現。
努力去隱瞞都唔做，唔介意你感受好差。
師姐點都好，請堅強，咁樣嘅初戀的確非常不理想。
聽到最後覺得亦係一種集體欺凌，
黑暗榮耀。
可以不愛，但去到某個位，
建議收一收手，唔駛去到咁盡。
另外，好多時有咗第三者想分手，
咁就會想合理化出軌呢件事。
最 "理想"做法就係將罪名給予對方，
話對方唔適合自己，大家唔夾 whatever。
事實上有時候你並沒有任何問題，
只係簡單地對方純粹係一個仆街。
師姐好完整又非常有勇氣咁講晒成件事出嚟，
永遠支持你。
p.s 只係唔知果個男仔點解咁鐘意跪
帽子戲法師兄 - 床狗的床
各位如果被派帽，
唔好諗住提出冷靜期拖長戰線會有幫助。
首先並沒有改變件事本質，
甚至令自己傷害更深。
其實呢啲情況需要的是一種事後處理，
對方自制能力有問題，
因為聽落去師兄前度唔係唔鐘意你,
但佢就係停唔到出去同其他男人上床。
係發生第一次戴帽之後，
是可以做一啲嘢令到對方知道問題嚴重性，
令到佢減低之後再出軌嘅機會。
最後都想講大部份女仔唔係咁，
唔好因為前度影響咗你嘅愛情觀太多。
最後講句杜生世一，啲增胖麵真係好好食。
Comments