top of page
  • Alvin Yip

感情顧問聽床哥心事台|JFFT|失戀篇


感情顧問聽床哥心事台|JFFT|失戀篇

感情顧問聽床哥心事台|JFFT|失戀篇


朋友:

聽完,真firm

今星期冇9攪幾好

我:

證明失戀都係真的 😭


今集內容就係咁。

初戀曖昧都可以笑吓,

但一嚟到失戀篇,

各位手足嘅故事都係真的。


1. 因生育問題被出軌師姐


第一位師姐男朋友出軌,

原因就話係都係想有細路。


▶️由唔介意變介意


因為健康問題不能生育,

一開始男朋友話 ok,

但最後有咗唔同諗法。

如果個男仔喺改變諗法時講清楚先,

一定係會處理得比宜家好好多。


聽落去,師姐覺得男朋友一路都對自己好好,

感受到佢覺得如此局面自己係有責任。


之前有個客人都拍咗五六年,

兩個一開始係決定唔結婚,

但之後個女仔都係覺得人都係要結婚,

所以都係出軌同咗另外一個男仔一齊,

之後再解釋。


類似嘅情況都唔少,

人係會變,

傳統價值觀其實好勁。


至於師姐擔心會唔會因為生育問題而無人再鐘意自己,

我可以話比你知一定係有人接受到,

完全可以放心。


▶️合理化變心


出咗軌啦,但又想做好人喎,

當然搵個合乎情理嘅理由嚟解釋喺唔錯。


有時覺得拍咗咁耐拖講分手好難係咪,

但最好方法都係坦白,

咁先係對果段關係尊重表現。



▶️如果一路所謂被佢照顧


建議都係 go next,

唔需要佢照顧,除非你係有特殊情況無講。


不過覺得如果對方番轉頭搵你,

( 因為師姐心底一覺得自己喺虧欠男朋友 )

你都係似會原諒多,

但都希望你到時要三思,好好考慮清楚。



2. 破壞關係最大嘅敵人就係自己師兄


▶️無咗先知珍惜 / 原來都愛


拍拍吓拖突然有一吓唔係好鐘意,

咪分咗手囉。


都想講一樣嘢,

失去新鮮感,或者無晒感覺,

都係拍拖嘅一部份,但就唔係一定要分手。


thats life la,有少少遺憾先係人生,

祝福對方,自己好好生活,

有時就係對大家最好結局。


▶️沒有回憶嘅人幸福啲?


當你戀愛經驗多,

去到長洲,澳門,海洋公園,

迪士尼呢啲地方一定有回憶嫁啦,

有感觸係可以,但唔需要太沉溺,

過去就係過去。



3. 機場 part time 師兄


扮訓覺最後分手係一個觸發點,

因為一件事 trigger 到一直以嚟對方都覺得存在嘅問題。

( 即係對方都比過機會你 / 大家真係唔夾 )


▶️二十歲


我覺得仲係好細個嘅,

但開始可以心態上成為一個男人。


適當時候做適當嘅嘢,

適當場合講適當嘅嘢,

你已經會屌打同齡 8成嘅人,就咁啦。



4. 牙堅 ( 正常ver. )


重點就係床哥:介意就要講介意 🤣


健康嘅關係就係可以講出自己嘅想法,

包括有不滿,師兄幫大家示範了一次。


5. 初戀老母


一聽到會考,

就知初戀老母呢個名無改錯,勁撚正式。


一路聽一路笑撚到仆街,無野補充,

條仔應該無諗到過咗十幾年,

仲比師姐屌柒 🤣

( 最好好笑係讀會計最後做濕鳩 hr )


6. longd 師姐


呢個 topic 其實好大,

呢幾年好多情侶都面對緊


😐講咗出嚟都無用,因為解決唔到

😐擔心無將來

都係 long d 情侶嘅日常。


大家移民/ 去外國本意係追求一個更加理想生活角度,

但如果回頭發現,屌,

原來我想要嘅嘢反而會無咗?

拎左啲嘢,就會無左一啲嘢?😐


老坑 mode 都要講人生係一個好長旅程。

當你去到某一日,

果一刻望番轉頭先知宜家個決定啱唔啱。


你會見到有啲手足離開咗之後,

會不停笑鳩留抵嘅人,

就係需要去證明自己個 decision 喺啱,

因為某程度上佢哋都放棄咗某啲嘢。


各位 long d 朋友,

盡量每日努力,

盡晒自己力氣去為咗再次可以喺同一個屋簷之下生活。


7. 紋身師兄


由於師兄話唔好 judge 人,

所以唔夠膽講太多啦。


當想分手挽回時候,

大家都會做好多補救動作,

例如整啲手作嘢 / 或者整條片咁樣啦就係,

通常都炒。


因為只係感動咗自己,

但呢啲嘢並唔係對方想要。


所以分手挽回 / 箍煲重點其實都係搵到個問題先,


今集好長,講到呢到完啦。







Alvin Yip

超過十年感情諮詢諮商經驗

以往多次協助單身人士尋覓真愛

現則為復合挽回婚姻狀況等

感情問題作諮詢

曾提出『黃金二分鐘』定律

蔚為一時佳話

曾接受《TVB》《Viutv》

《香港01》《香港電台》

等多家媒體訪問報導

亦舉行首個商場極速約會派對活動

一切愛情感情

婚姻疑問第三者婚外情出軌問題

歡迎預約諮詢

  • Instagram
replicate-prediction-xaopk3jbgknfhfl2dmn6z563je.png
bottom of page