女朋友話想同個男仔朋友單獨食飯 | 連登感情台 | 戀愛關係指導
女朋友話想同個男仔朋友單獨食飯 | 連登感情台 | 戀愛關係指導
雖然樓主係假膠嚟，
不過都用下佢個理念啦。
因為好多 a0都擔心有咁嘅一日發生,
未雨綢繆可以是好事嚟嘅。
我咃不如就 focus 喺唔比佢去會有咩後果或影響：
首先，唔俾女朋友去可能會惹佢唔開心同埋不滿。
可能會覺得自己被限制或者被控制，
可能會影響到你哋之間嘅信任同埋感情。
佢可能會覺得你唔信任佢，
可能會導致爭吵同矛盾。
基本上，剩係呢樣野已經好大獲，
接住落去嘅可能佢會將個重心扯到落去信任嗰度，
"宜家咩都要你管呀，好辛苦呀 blah blah blah"
再加上你可能有一兩吓回應得差，
咁想同佢單獨食飯個男仔已經不戰而大勝，ez
其次，呢種限制可能令女朋友覺得被束縛，
呢樣嘢可能會令佢開始質疑我哋嘅關係係咪健康同埋平衡。
女友開始對你反感就等於大獲了，
佢可能會開始考慮一段新關係。
關於呢類問題最緊要係搵到平衡，
互相尊重同理解都是維繫一段關係嘅關鍵。
你可以同女朋友坦誠地傾訴你嘅憂慮同埋唔安全感，
你要話比佢聽你是介意，
千萬唔好扮大方裝沒有所謂，
嘗試一齊搵個解決方法，記住係一齊。
( 當然最好就係佢知道你唔滿意，沒有下次 )
同時，都要自我反省，
睇下你自己嘅憂慮是否有道理，
例如嗰個男仔喺邊個，
你本身識唔識同埋女朋友一路以嚟係咩性格嘅人。
如果只係自己過份擔心或者唔覺意想控制佢 / 建基於自己唔夠安全感，
就要反省下自己接住落嚟應該點樣做。
人同人之間相處的確難，
但都離不開信任。
要確保你哋兩個人可以相互理解同支持，
同時都要保持個人嘅自由同獨立性。
祝你地早日搵到屬於同伴侶相處嘅平衡點。
Commenti