女朋友同你講成熟啲，即係咩 | 男生感情煩惱 | 戀愛關係指導
- Alvin Yip
- 2023年7月3日
- 讀畢需時 2 分鐘
已更新：2024年2月8日
女朋友同你講成熟啲，即係咩 | 男生感情煩惱 | 戀愛關係指導
首先，成熟唔一定等於絕對好／正面，
而且成長同成熟亦都係兩樣嘢黎。
但社會上大部份人都會 expect 年紀越大嘅人係會越成熟，
有一個正比嘅關係。
事實上，喺客人入面，
有唔少年輕嘅朋友諗野好成熟；
有啲四十幾歲聽佢講嘢好似啱啱青春期嘅都有。
所以，成熟係可以有好多種定義，
但一般嚟講下面兩個係不可缺:
👍🏻 同理心
識得跳出自己框架，從別人角度出發思考，
係咪好似好簡單呢，
我知你知，你明，
但你平時習唔習慣用呢個態度／角度去思考呢？
或者當你一發嬲或者有情緒嘅時候仲做唔做到呢？
事實上，好多人抱怨時都唔記得咗
『如果你係佢，你會點』係好需要每一個人去習慣多加利用。
👍🏻 知自己咩位？
人最理想當然係了解到自己強短處，
可量化嘅例如係身高，肥瘦，收入，
所有嘢都係比較。
引用到日常生活，
大部份人都會對身處環境有認知，
會小心唔做唔適當嘅嘢
例如 speed dating 直接問人哋搵幾多錢，等等。。。
如果喺中國內地其實係可以，香港就 nah…
當然每人有唔同諗法，不過點都好，
別人都係會對其他人嘅表現有所期望，
你能否兌現固中期望就是其中一個大眾心目中成熟的指標。
對於成熟與否仲有好多唔同量度方法，
一個男人同一個女人對一個 30 歲嘅人
於成熟上有咩意見已經會有好大分別。
但肯定嘅係現代社會講求量化，
人工或者收入都絕對係唔少人心中成熟嘅一個標準，
所以你會見到網上好多人問 30歲 人工應該搵幾多或
幾多歲有自己第一層樓。
コメント